Back

ⓘ قاجار موزه‌سی. تبریز، ایرانین مختلف تاریخی دؤنملرینده خاص ارزیش و اهمیته مالیکدی کی ائلخانلار و قاجارلار دؤوورلرینده بو عظمت لاپ یوخرییا چاتمیشدی. ه ق 1218-ده ع ..



                                               

پالتاریوماق ائوی (زنجان)

پالتار یوماق تیکینتی‌سی یوخسا پالتار یوماق تاریخی مجموعه‌سی ، آذربایجانین ان تانیمیش، گؤرمه‌لی و توریستی مکانلاریندان، زنجان شهری نین اسکی بؤلومونون اورتاسیندا، و چوخلو یاشاییش ائولرین قونشولوغوندا یئرلشمیشدیر. زنجانلیلار کئچمیشده پالتارلار و کؤینکلرینی اوردا یووارمیشلار. بئله بیر مخصوص ایش اۆچون، دونیا دا تایسیز دیر ، و یا اوخشاری آز واردیر. بو تیکینتی نئچه دفعه تعمیر اولونوب و فولکولور موزه سی اولاراق ایشه آپاریلیر، و بوتون توریستلر اورادان گؤروش ائده بیلرلر.

قاجار موزه‌سی
                                     

ⓘ قاجار موزه‌سی

تبریز، ایرانین مختلف تاریخی دؤنملرینده خاص ارزیش و اهمیته مالیکدی کی ائلخانلار و قاجارلار دؤوورلرینده بو عظمت لاپ یوخرییا چاتمیشدی. ه ق 1218-ده عباس میرزا فتحعلیشاهین ناییب السلطنه‎سی اولدوغوندان بری بو شهر رسماً ولیعهدنئشین اولوب ایران-روس ساواشلاریندا دا تبریز فرماندهلیک قرارگاهی ایدی. بو شهرده، قاجارلار دووروندن، چوخلو بینا یادگار قالیبدیر کی امیر نظام ائوی اونلاردان بیریسیدیر. بو ائو، تبریزین قدیم محله‎لریندن بیری اولان شئشگیلان‎دادیر.

قاجارلار زامانیندا بو محله‏‌ده بیر چوخ گؤزل عمارتلر تیکیلمیشدی کی امیر نظام گروسی‎نین ائوی اونلارین ده‎یرلی قالینتیلارینداندیر کی هله ده صلابتلی و عظمتلیدیر. گونوموزده قاجار موزه‎سی اولان بو عمارت، ناصرالرین شاه دوورونده، امیر نظام گروسی‎نین پیشکارلیغی زامانیندا و اونون طرفیندن دوزلدیلیبدیر. ناصرالدین شاهین خاطیره‏لرینده، فرنگه اوچونجو سفرده بو ائو وصف اولونوب.

منبعلره گوره سونرالار دا آذربایجان والیلری بو ائوده ساکین اولورموشلار. قالان قیسمت، بو ائوین بیر قیسمتیدیر تاسفـله دیگر قیسمتلری آرادان گئدیبدیر.

پهلوی دورونده بو ائو دارایی اداره‎سی و فرهنگ اداره‎سی اولاراق استفاده اولونوبدور. 1370-ده فرهنگی میراثلار سازمانی طرفیندن ساتین آلینیبدیر. بینایا وارد اولان جدّی خسارتلره گؤره اونون معمارلیق خصوصیتلری و سنّتی مشخّصه‎لرینه باخیلاراق تعمیر اولونوب ه ش 1385 اردیبهشتـده، تیکینتی ایشلرینین قورتولدوغوندان سونرا، قاجار موزه‎سی اولاراق اشله‎دیلیب.

معمارلیق خصوصیتلری

ایر نظام عمارتی 1500 مربع‎مئتیر زیربینا و ایکی طبقه‏ده تیکیلیب. اندرونی و بیرونی اولاراق ایکی حیطی وار کی باغچالار و حوضلار گؤزللییینی یوز قات ائلر.

16 ستون، گؤزل سرستونلرله، باشاباش ائویانی ائیوان ساخاییرلار. اوست طبقه‏ده رنگلی شوشه‎لی مشبک اروسی پنجره‎لر، شمالی و جنوبی نمانین گچبریلری و ایچری تالارلارین و طنبیلرین آیناکارلیق وگچبریسی مجموعه‏نین گؤزللییینی آرتار. زئرزمیده گنیش بیر حوضخانا وار کی بینانین لاپ گؤزل یئرلریندندیر؛ حوضخانانین محکم ستونلاری و سقفینین کرپیج دوزومو گوزه گلندیر.

موزه‏‌نین تالارلاری

بیرینجی طبقه تالارلاری: سکّه، توخونما بافته، چینی، شوشه آبگینه، موسیقی، خاتم، فلزلر تالاری.

ایکینجی طبقه تالارلاری: داش، اسلحه، رجال و فرامین، معمارلیق و شهرسالما معماری و سهرسازی تالاری.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →